أحلى أشعار لثورة الفاتح والشهيد معمر القذافي

الخضرا ترفرف فوق سماك ربي علاك عظيمة والفاتح مبداك...ياعظمى
--------------------------------
{انتے عــظمے ربے سـمااک لحق امعاک..تعيـشـے ﯙيهـابـوک اعـداک انتـے عظمـے }
---------------------------------

*** كبير القدر***
وراسك وراسك ياكبير القدر لوكان زحف على الركبين نزحفوا ..
وراسك وراس خميس تهون الروح ولا ماتهون ياعز التريـــــس...
وراسك وراس خميس ياكبير الهيبة للنجع انكونـوا تـــريـــــس..
وما تجيك منا عيبة
وراسك وراس خميس يازعيم القادة تلقانة مثيل خميس يابال نحنا رفاقة
--------------------------------------
لــإصدقائي الذين أنشقوا :
ياصاحبي ورفيقي ويا من كــنــــت سنـــد في فرحـــــي وضيقــــــي
ياصاحبي كنت أنعزك وكنت دايم شــــاد احبالهــــــن غــــــــلاك وودك
ياصاحبي كنت انصونك ومايوم فكــــــــرت اني انخطــــــاك و انهونـــك
ياصاحبي كنت ذراعك وقت الشدايد كنت امصبي معــــاك ونا فزاعــك
وياصاحبي كنت نا سرك وكنت فالكواين امصـــبرك و جـــــــلاي همـك
وياصاحبي كنت كل شي نغفرلك زلاتك وخونتك وفخطاك نصفح عنـك
وجا الوقت ياصاحبي نقولك اعذرني جفايا لك وهجرتـــي غصبا عني
انقولك بالسلامةكفيت ووفيت معاك وبنودعك وما علـــــــي ملامـــــة
لانك خاين انقولك مربوحة اليوم خطاك زاد فالخاطر سطير اجروحـــــه
يوم تكفيرك لي قلنا عادي الا خونة بلادي واستعانتك بالأعــــــــــادي
خاين بلادك وراضي بالعار ماشي طريقك على دروب الخونة والفجـار
خاين بلادك ماتلزمني راضي بدمارها وعلى موت خوتك طلعت تغني
----------------------------------------
سطر يا تاريخ واكتب علي فارسها ما سلمها ....كم من شدايد في الجبهات حملــها .
سطر يا تاريخ واكتب علي فارسها بيكملـــها.... مسيرة النصر واللي متبعثرة ايلملمها...
------------------------------------
صفحتنا صفحة اشعار ” للاحرار ” اولاد و احفاد بومنيار ” مش للفجار ” يلي يسمو فيهم ثوار ” يلي استعانو بالكفار ” و توا ندمو علي صار ” لكن بعد ما ولعت في ليبيا النار ” و باذن رب العباد الجبار ” نردو ليبيا و نردو الثار ” و ما يقعد فيها فار ” و اصبرو و توكلو علي الرب الغفار ”
-------------------------------
وتوآ يآجردآن القبــــــــــور °°° جيـــــــــش العظمي قريب ايثور
--------------------------------
القصة ماهي ثورة وقائد
ولا شعب الفقر معريه
ولاحرية طالب حق
ولا مرعي قتله راعية
ولا حاكم في ظلمه فسد
ولا حكم الدين منافيه
القصة وطن انباع انهد
التركي بيرده ماضيه
القصه في ترابي الممتد
اليوم ضياق على بانيه
القصة في بترول اسود
سوادة قلب الي شاريه
وخود كلامي جد الجد
اسمعني ولصغارك قريه
الراجل ع الخونه يباعد
دراعه بس الي تزكيه
----------------------------------------
نحتفلوا كل يوم بعيدك .. عيدي عيدك .. وسط وريدي وسط وريدك لا ماننسوا حب الفارس...
ونستنوا يجي يوم جديدك ... تقنص صيدك .. صيدي صيدك ... وانجلوا كل من خان الفارس♥♥.
-----------------------------------------
علـــــــــي الله ياعيــــــد اعيـــــاد***تعـــــاود و نــــردو الامـــــجاد****
كـــل عام وانتم بخير... 2مارس
------------------------------------------
راضي وماني راضي غياب الغوالي كيف حكم القاضي مجبور نحمله . . راضي بقضاء ربي وقسمته ومكتوبه . . وماني راضي بحال بلادي وخيراتها المنهوبة . . راضي بفقدان الشهيد وهذه منيته ومرغوبه . . وماني راضي باسر سيف وايامي من بعده منكوبة . . وراضي بأربعين دولة على سبع رجال مكلوبة . . هم قدها هم ندها هم ضدها نار حمراء لهلوبة . . معمر خميس سيف المعتصم وعروبة . . وماني راضي على ثوار على جردان اعيونهم معصوبة . . تقودهم قطر وهي على امرها مغلوبة . . راضي وماني راضي غياب الغوالي كيف حكم القاضي مجبور نحمله
-------------------------------------------
انشروا الهول وصبوا ناركم ** كيفما شئتم فلن تلقوا جباناً
يا جهاداً صفق المجد له ** لبس الغار عليه الارجوانه
هذا شرف باهت طرابلس به ** وبناء للمعاني لا يدان
إن جرحاً سأل من جبهتها " من جبهة طرابلس ** جثمته بخشوع شفتانا
_
*
♥ قصيدة الشهيد الفارس معمر القذافي ♥
---------------------------------------
هذه سرت
...
₪₪₪₪₪₪₪₪₪
ماقعدت غير رشاد....سرت الي كانت زهاء لبلاد... اليوم ياصاحبي ماقعدت غير رشاد .... ماي عاد كيف زمان .... بقايا هياكل مالها سكان .... لاحيط واقف لا لها بيبان .... تنشد وما تنشد وما لها نشاد ،،،، واليوم ياخوي اختل في الميزان .... والي قبل كانت نار تمت امغير رماد .... ماقعدت غير رشاد..... ماهناك دبارا .... حيوط طايحة تحلف الا كسارة .... الله قديش في شوارعها مشي جيفارا ...... وسيد السبيب الي بعمره جاد..... حيرت الخواطر وهن قبل حيارا ......يشكن ويشكن ودمعهن بداد ..... ويارب صبرها وهي صبارا ..... الحكم حكمك والمراد مراد ..... ماقعدت غير رشاد ,,,, سرت الي كانت زها لبلاد ،،،،،،،،،،،،
اليوم ياصاحبي ماقعدت غير رشاد
₪₪₪₪₪₪₪₪₪
-----------------------------
قالوله الجرذان في العزيزية والسور انهار قاللهـــم قصري في الجنـــة بين الابرار
قالوله راجالك باعوها بورق اقمار قاللهم شعبــــــي المقــــــــــــاوم كلــــه ثـــوار
قالوله صورتك بنشيلوها من ع الدينار قاللهم صورتي محفورة في قلوب الاحــرار
-------------------------------
مرايف على ايام فيهن القايد // جلاّي النكايد // اللي وين عدّه تمن شدايد .... مرايف على يوم عايش معانا // وقاعد احدانا // ونوم العوافي عطانا أمانه .... أيامه المصارف أمنه مليانه // وتاخد الزايد // شهادة ايامك عشناهن قلايد ....
---------------------------------
غير خبر ياباب العز ... علي ماصاير في ماضيك ...
كي قايدنا زاد ركز ... بعد خونة ناس صعاليك ...
خبر ع اللي قاللهم طز .... وين جاه الناتو غازيك ...
والقايد ما يرضى لبز .... كان يرضى راهو سلم فيك ....
وينسى كل ايام العز .... و وقوفك وقت التبريك ...
وقت إلي بابك ايلز ... كل قوة تبي تنهيك ....
وقالولي صورك راكز .... وين جاه الجرذ بكاشيك ....
وقاعد في عيني الرمز ... مهما دارو فيك ضراريك ....
-----------------------------------
وصية وسع للقالقين يروقوا....راي خيلنا قربت قريب انتوقوا...للقالقين وصية . ليهم قريب بنفرحوا بالجية .قاصدين من ليهم ضماير حيه.كيف ما شربنا المر ليه ايذوقوا .علي هدف واحد نفزعوا جملية .وياريت هلى حالمين يفوقوا .,وصية وسع للقالقين يروقوا
------------------------------------
قالوا قتلوك في غايهب السجـــــــن بعد ماعذبـــوك
قالولي استشهدتي ولخالقك الــــــروح سلمتـــي
قتلوكي يا هالة رزوني فيك كمشـــــة هالحثالـــة
قتلوكي ياحرة فجارها ليبيا الجديــــدة المــــــــــــرة
عليك التموا اللي حتى اشباه رجـــال مايسمـــــوا
عليك ألتموا في ذكرى العار والشنارالانذال انجنــوا
عليك ألتموا اسيرة بلا سلاح بالله أي دين يتبعـــوا
عليك ألتموا لا رعوا شرع الله ولا بالقرآن اهتمــــــوا
اينور قبرك يسمع مني في سابع سماه وياخدحقك
----------------------------------------
خود افلوسك يابوشنة ..............ماتختلنا ...اللي خاين سيده خاينا .....
ماترشينا.....يا عاصي الله ونبينا.....جبت الناتو قتل فينا.......
ماهي لنا .....بفلوس انبيعوه وطنا...............
لو كنوز الدنيا تعطينا ......مايرضينا .....
ولايجيبن ظفر معمرنا.......................
-----------------------
هاني راجع يا بلاد تهني *** حاشد جيوشي و بالنشيد نغني *** راجع ليك ***ما تخافي ما نرضى المذلة فيك *** روحي رخيصه فداها بيك *** راهو مواجع واجدات عمني *** بالله راجع افتحيلي ايديك *** قاتل كل من خاين و جاه يوم طعنني *** دافع مخلص دمنا يرويك ***و بلغ سلامي لكل من يفهمني *** هي راجع يا بلاد تهني *** حاشد جيوشي وب بالنشيد نغني ......
----------------------------------------------------------------------------------------
هي راجع يا بلاد تو اتروقي بترفعي رايتك وتنشدي نشـيدك اللي عليـــــه اتوقـــي
هي راجع صقرك يا بلاد تهني قرب اليوم اللي فيه بترقصي وترفعي رايتك وتغنــــي
...........................................................................................................
نرجو فيك ساعة بعد ساعة ندعو ليك واللي كاس السم رواك كاس الموت نسقيـه
نرجو فيك ومايوم فقدنا املنا في الله وفيك واللي خان الوطن راكع وزاحف ايجيـــــك
نرجو فيك وفي الساحة الخضرا اول خطاب للنصر فيها ليك وايزيد عزنا وفخرنا بيــــك
--------------------------------------------
هـي بالسلامـة ورانـي بنرجـع ثانـي ** معاي خميـس والبنـدقا وحصانـي ** عبداللـه السنوسـي هـوا إلـي فاهمنـي ** ملاييـن بوهـادي عمـا البرانـي ** خيـان فـي لمحـه تخلـوا عنـي ** وياشعـب خـلك حـر ماتنسانـي ** وعيـش فـي أمجـاد وعـز ماتخذلنـي
---------------------------------------
معمر بيته بيت شهاده بعد أجداده لأجل بلاده زاد عطا ولده وحفاده""" معمر بيته بيت العزه صاحب فزه قائد لينا المولي دزه شجاع وماعدوان اتهزه وفيهم عاده الواحد يفني لأجل بلاده معمر بيته بيت كرامه يا ظلامه والله ماتصبو قدامه ""رافع للرسول علامه إمكان نادي الله اكبر نشيد جهاده """"وماواحد يوقف قدامه سيد الساده ملك ملوك وسيد القاده كلهم ركعو تحت أقدامه العرباده اعتدروا علي احتلال بلاده بيته بيت العز اطنابه وليه كتاب الله ركيزه شامخ راسه فوق سحابه وعنده دوم النفس عزيزه وكل المستعمر وادنابه حسبهم كلاب السيزه وكل الميزات علي جنابه مانحصرهن كم من ميزه ردان الحق الي اصحابه تجري في دمه كالغريزه من الله كل اعده اتهابه حبيب بلاده خلي شعبه كله ساده
------------------------------------
يامـعتصــم سجـلته ..............تـاريخ ووسام الشهاده نلته ..
واللي وجب فعله عليك فعلته ......مـاحيرك موضــوع فيه خطوره ..
واللي فبالك من تحدي قلته ..... منقول في الشاشات صوت وصوره ..
عـرش العماله تحتهم زلـزلته .... ياصقر وربـاية تـريس صـقوره..
------------------------------------
هي بالسلامة روقي عليك في النفس أنبـــــــدل معــــــــاه بشوقـــــــي
مادام باعوني قراب عروقي وفيهم قراب الدم خــــــــايب ظنـــــــــي
عطيت حقكم يا شعب وين أحقوقي و ياريت واحد من العرب طمني
هي بالسلامة يا بلاد تهني تو تعمــــــري إن كان خرابـــك منــــــي

-----------------------------------------------------------------------

هي بالسلامة روقي عليت شانــــــك من كاس الذل تــــوا ذوقـــــــي
هي بالسلامة روقي يوم تندمــــــي يابـــــلاد تــــــــو ا تفـــــوقـــــــي
هي بالسلامة تهنـــــــــــي زرعت الخير بــــود حصدتـــه بدمــــــــــي
هي بالسلامة يا برقة تهني ديري أفراحـــــــــك وارقصـــــي وغنــــــــي
هي بالسلامة يا برقة وروقــــــي دام اللي باعونــــــي من عروقـــــي
هي بالسلامة كان نا الظالـــــــم كنت في رخاء معاي وربي عالـــم
هي بالسلامة إيجيك يوم أتمني تشوفي أمان وفي امعيشتك تتهنـي
------------------------------------------

لثار يا طالباته... نردوه حتي إنطولن مداته...
إنجوكم جهار نهار في مصراته...وبيناتنا يرقه رقيق أغبار...
يجوكم ضننا بكل تباته... وسامة كبير الخرص ع ليسار...
ويضل دمكم سايل لين إشتاته...ويبدن إنساكم ضاربات الطار...
هذا يوم يرجن فيه الي طالباته...وجميع مازرعتوا تحصدوه غمار...
وجميع من ظلمنامايشوف نجاته...لو كان فطفط بالجناح و طار..
" وجميع من دخل في بيت رباياته ** انوفوه فوق الكيل كيل عَبَار

لفالك خبر من سرت يامصراته.. واللي حرث يعرف احدود وطاته ..اللي فاتكم معلومه واللي انظلم بالله من بيلومه.. بلأمس جيتو مستقوين بروما .. واليوم رانا ناويين خباثه .. ناويين النيه انعدوا العدة نزحفوا جمليه .. والي حصل في سرت موش اشويه .. لقاها صعيبه الغرب في احساباته.. لفالك خبر من سرت يا مصراته..واللي غرس لازم يذوق نباته ....

تسلم اخ كاسبر الله يعطيك العافيه